Handle with Clare呢個名背後，有一個真人。
Clare由2016年開始接觸塔羅。
經驗話佢知：人喺焦慮、猶豫、俾負面情緒困住嗰陣，先至最想搵人開牌搵指引。面對困境，就算平時好明嘅道理，都會突然睇唔到。而塔羅就係一個工具，幫你重新審視當下，可能會提供到另一個角度去突破。
塔羅牌嘅圖象五花八門，而本站用嘅偉特塔羅（Rider-Waite Tarot）系統，本身就充滿故事。22隻大牌好似一趟旅程，愚人一步一步行到象徵圓滿嘅世界；56隻細牌，就由四種建構世界嘅元素砌成。
78隻牌，冇一隻寫住你嘅未來。
佢哋反映嘅，係人一次又一次會行返嘅處境：出發、猶豫、失去、收成、重新開始。
抽到邊一隻，就係嗰一刻嘅你。
所以答案從來都唔係牌義，而係喺你身上。牌只係將情況攤喺一個你睇得見嘅位置。你又準備好去好好睇、好好了解未？
Know thyself, with care.
所以有咗呢個地方。
有時你需要即刻有個回應——AI幫你解牌；有時你只係想慢慢練習覺察自己——隨身牌桌就喺度，手機都可以隨時抽。
我希望呢個平台可以幫到手。
而呢啲全部，都係由Clare內化之後先 present 出嚟——with Clare，本意就係咁。
祝福大家繼續享受了解自己、探索世界嘅呢趟旅程。
想搵真人開牌嘅話，亦都歡迎搵我（笑）。
— Clare · @handlewithclare.99